ខេត្តសៀមរាបពោរពេញដោយសំណង់ស្ថាបត្យកម្មបែបអាណានិគមបារាំង និងបែបចិននៅតាមជុំវិញតំបន់ និងជុំវិញផ្សារចាស់។ នៅក្នុងទីក្រុងសៀមរាបមាន សារមន្ទីរជាតិ ការសំដែងរបាំប្រពៃណី របាំអប្សារា ភូមិវប្បធម៌ខ្មែរ ហាងលក់វត្ថុអនុស្សាវរីយ៍ និងសិប្បកម្ម កសិដ្ឋានសូត្រ វាលស្រែនៅជនបទ ភូមិនេសាទ និងជម្រកសត្វស្លាបក្បែរទន្លេសាប បារ និងកន្លែងទទួលទានអាហារដ៏សម្បូរបែប។ ប្រាសាទអង្គរវត្តដ៏ល្បីល្បាញគឺស្ថិតនៅខេត្តសៀមរាបនៃប្រទេសកម្ពុជា ។

ខេត្តមណ្ឌលគិរី ស្ថិតនៅភាគឦសាននៃប្រទេសកម្ពុជា ជាតំបន់ដែលពោរពេញទៅដោយសម្រស់ធម្មជាតិអមដោយភ្នំនិងព្រៃដ៏សែនក្រាស់ទឹកជ្រោះដ៏ស្រស់ស្អាតនិងជម្រាលភ្នំស្រស់បំព្រងខៀវស្រងាត់ជាខេ្តដែលមានប្រជាជនរស់នៅតិចចំផុតនៅប្រទេសកម្ពុជា និងជាខេត្តមួយដែលមានទំហំដីធំជាងគេបំផុត។ ខេត្តមណ្ឌលគិរី មានរមណីដ្ឋានជាច្រើនដូចជាទឹកជ្រោះប៊ូស្រា ទឹកធ្លាក់សែនមនោរម្យ ទឹកជ្រោះរមនា ភូមិពូតាំង

ខេត្តកំពតស្ថិតនៅភាគនិរតីនៃប្រទេសកម្ពុជា ដែលមានឆ្នេរសមុទ្រប្រវែង 80 គីឡូម៉ែត្រជាប់ជាមួយឈូងសមុទ្រប្រទេសថៃ។ ទីក្រុងនៃខេត្តនេះត្រូវបានស្គាល់ឈ្មោះថា ក្រុងកំពត និងជាខេត្តមួយដែលមានភាពទាក់ទាញ គេតែងតែទៅកម្សាន្តនៅទីនោះព្រោះជាផ្លូវតែមួយទៅកាន់ឧទ្យានជាតិបូកគោ ឆ្នេរសមុទ្រកែប ទឹកជ្រោះទឹកឈូដ៏ស្រស់ស្អាត និងកន្លែងកម្សាន្តផ្សេងៗ ជាច្រើនទៀតនៅភាគនិរតីនៃប្រទេសកម្ពុជា។

បាត់ដំបងគឺជាខេត្តដែលមានផ្ទៃដីធំជាងគេបំផុតទីពីរនៃប្រទេសកម្ពុជា ក្រុងបាត់ដំបងត្រូវបានបង្កើត ឡើងចាប់តាំងពីសតវត្សទី 11មកម្ល៉េះ។ ខេត្តបាត់ដំបងគឺជាអតីតរាជធានីខ្មែរមននិងស្ថិតនៅចំកណ្តាលភាគពាយ័ព្យនៃប្រទេសកម្ពុជា។ រហូតមកដល់សម័យសង្រ្គាម ហេដ្ឋារចនាសម្ព័ន្ធនៅក្នុងខេត្តនេះ ស្ទើរតែទាំងស្រុងត្រូវបានបំផ្លិចបំផ្លាញ ទីនេះជាខេត្តដែលផលិតស្រូវច្រើនជាងគេបំផុតក្នុងប្រទេស។