ព្រឹត្តិការណ៍

ពួកយើងមានសេចក្តីសោមនស្សរីករាយយ៉ាងក្រៃលែងក្នុងការជម្រាបជូនថា កាលពីថ្ងៃទី ១៤ ខែកញ្ញា កន្លងទៅនេះ កម្ពុជាផ្ទះទីពីររបស់ខ្ញុំ បានចុះហត្ថលេខាលើអនុស្សរណៈនៃការយោគយល់គ្នា (MOU) ជាផ្លូវការជាមួយក្រុមហ៊ុន Namas.K Cambodia!

ពួកយើងមានសេចក្តីសោមនស្សរីករាយយ៉ាងក្រៃលែងក្នុងការជម្រាបជូនថា កាលពីថ្ងៃទី ១៤ ខែកញ្ញា កន្លងទៅនេះ កម្ពុជាផ្ទះទីពីររបស់ខ្ញុំ បានចុះហត្ថលេខាលើអនុស្សរណៈនៃការយោគយល់គ្នា (MOU) ជាផ្លូវការជាមួយក្រុមហ៊ុន Namas.K Cambodia!

សូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំនៃក្រុមហ៊ុន Namas.K សម្រាប់ប្តេជ្ញាចិត្តយ៉ាងមុតមាំក្នុងការធ្វើឱ្យកិច្ចសហប្រតិបត្តិការនេះលេចចេញជាផ្លែផ្កា និងសូមអរគុណដល់អ្នកគ្រប់គ្នាដែលបានចូលរួមអបអរសាទរក្នុងឱកាសដ៏វិសេសវិសាលនេះ!

ក្លិនក្រអូបនៃកាហ្វេ ការច្នៃប្រឌិត ស្នាមញញឹម សំឡេងសើចក្អាកក្អាយ និងចំណងមិត្តភាពថ្មីៗ — ពិតជាថ្ងៃដែលរីករាយ!

កម្មវិធី Coffee & Barista Fun Day របស់ពួកយើង ដែលបានសហការយ៉ាងពិសេសជាមួយ Alarm Clock Coffee បាននាំយកសហគមន៍ CM2H មកជួបជុំគ្នា ដើម្បីចូលរួមក្នុងដំណើរដ៏រីករាយ និងពោរពេញដោយអន្តរកម្មទៅក្នុងពិភពកាហ្វេ។

ចាប់តាំងពីការស្វែងយល់ពីគុណភាព និងលក្ខណៈពិសេសនៃគ្រាប់កាហ្វេខ្មែរ ការក្រសោបយកចំណេះដឹងពីអ្នកឆុងកាហ្វេជំនាញៗ រហូតដល់ការអនុវត្តផ្ទាល់ក្នុងការឆុងកាហ្វេ និងបង្កើតរូបរាងនៅលើពពុះទឹកដោះគោ (Latte Art) ដោយដៃខ្លួនឯង — អ្នកចូលរួមទាំងអស់សុទ្ធតែមានឱកាសបានស្វែងយល់ បង្កើតថ្មី និងសប្បាយរីករាយជាមួយគ្នា!​ ប៉ុន្តែអ្វីដែលពិសេសបំផុតនោះគឺ? គឺស្នាមញញឹម ការសន្ទនាយ៉ាងស្និទ្ធស្នាល និងមិត្តភាពថ្មីៗដែលបានចាប់ផ្តើមនៅក្នុងព្រឹត្តិការណ៍នេះ។

សូមថ្លែងអំណរគុណយ៉ាងជ្រាលជ្រៅចំពោះ Alarm Clock Coffee ដែលបានចូលរួមចែករំលែក ចំណេះដឹង និងបទពិសោធន៍ឆុងកាហ្វេ លំដាប់វិជ្ជាជីវៈជាមួយពួកយើង ហើយក៏សូមថ្លែងអំណរគុណដល់អ្នកចូលរួមទាំងអស់ដែលបាននាំយកនូវថាមពលដ៏ស្រស់បំព្រងមកកាន់ថ្ងៃនេះ!

ស្វែងយល់ • បង្កើតថ្មី • ផ្សារភ្ជាប់ទំនាក់ទំនង

ទទួលបទពិសោធន៍ដ៏រំភើបនិងល្អៗជាច្រើនទៀតពី CM2H នឹងមកដល់ឆាប់ៗនេះ — ជួបគ្នានៅកម្មវិធីក្រោយ!

CM2H មានកិត្តិយសយ៉ាងក្រៃលែងដែលបានចូលរួមក្នុងសន្និសីទសារព័ត៌មានផ្លូវការនៅ Vattanac Golf Resort ក្រោមអធិបតីភាពដ៏ខ្ពង់ខ្ពស់របស់ ឯកឧត្តម បណ្ឌិត ជា បូរ៉ា (រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការនៃសហព័ន្ធកីឡាវាយកូនគោលកម្ពុជា) អ្នកឧកញ៉ា សំអាង វឌ្ឍនៈ (អគ្គនាយកប្រតិបត្តិនៃ វឌ្ឍនៈ គ្រុប) និងលោក Mark Aspland (ប្រធានផ្នែកប្រតិបត្តិនៃ Legends Tour) ព្រមទាំងមានការអញ្ជើញចូលរួមពីមន្ត្រីជាន់ខ្ពស់រាជរដ្ឋាភិបាល អគ្គរាជទូត/អគ្គរដ្ឋទូតនៃបណ្តាប្រទេសជាមិត្ត និងសារព័ត៌មានជាតិ-អន្តរជាតិ។

រាជធានីភ្នំពេញនឹងធ្វើជាម្ចាស់ផ្ទះរៀបចំព្រឹត្តិការណ៍ប្រកួតកីឡាវាយកូនគោលលំដាប់ពិភពលោកចំនួន ២ បន្តបន្ទាប់គ្នានៅលើទីលានដ៏ល្បីល្បាញ Legends Tour៖

·        ព្រឹត្តិការណ៍ Vattanac Legends Championship៖ ប្រព្រឹត្តទៅចាប់ពីថ្ងៃទី ២៣ ដល់ថ្ងៃទី ២៩ ខែវិច្ឆិកា ឆ្នាំ ២០២៦

·        ព្រឹត្តិការណ៍ Vattanac Tour Championship (ការប្រកួតផ្តាច់ព្រ័ត្រប្រចាំរដូវកាល)៖ ប្រព្រឹត្តទៅចាប់ពីថ្ងៃទី ៣០ ខែវិច្ឆិកា ដល់ថ្ងៃទី ៦ ខែធ្នូ ឆ្នាំ ២០២៦

ស្ថិតក្នុងចំណោមរមណីយដ្ឋានវាយកូនគោលកំពូលទាំង ៣ ក្នុងតំបន់អាស៊ីប៉ាស៊ីហ្វិក Vattanac Golf Resort និងដៃគូសហការប្រកបដោយចក្ខុវិស័យវែងឆ្ងាយដូចជា ធនាគារ វឌ្ឍនៈ បាននិងកំពុងបន្តលើកកម្ពស់កិត្យានុភាពរបស់កម្ពុជាលើឆាកអន្តរជាតិ ក្នុងនាមជាគោលដៅឈានមុខគេសម្រាប់រចនាបថជីវិតទាន់សម័យ ការទេសចរណ៍បែបលំដាប់ថ្នាក់ និងការវិនិយោគអន្តរជាតិ។

ពិធីចុះហត្ថលេខាលើអនុស្សរណៈនៃការយោគយល់គ្នាបានប្រព្រឹត្តទៅដោយជោគជ័យ!នេះជាការចាប់ដៃគ្នារវាងអត្តសញ្ញាណម្ហូបអាហារដ៏មានភាពលេចធ្លោពីរបែប រសជាតិម្ហូបខ្មែរបែបប្រពៃណី និងភាពកក់ក្តៅនៃគ្រួសារខ្មែរពី នាង អនម្ហូបខ្មែរគ្រួសារបាត់ដំបង និង រសជាតិម្ហូបអាមេរិកបែប Classic ពី Mike’s Burger House

ក្នុងនាមជាផ្នែកមួយនៃការប្តេជ្ញាចិត្តរបស់ កម្ពុជាផ្ទះទីពីររបស់ខ្ញុំ (CM2H) ក្នុងការផ្តល់ជូនបទពិសោធន៍រស់នៅដ៏សម្បូរបែប និងមានគុណភាពសម្រាប់ជនជាតិបរទេស អ្នកវិនិយោគ និងអ្នករស់នៅក្នុងប្រទេសកម្ពុជា ភាពជាដៃគូនេះនឹងនាំមកនូវការរួមបញ្ចូលគ្នារវាង រសជាតិម្ហូបខ្មែរដែលមានតម្លៃជាបេតិកភណ្ឌ និង មុខម្ហូបដែលទទួលបានការពេញនិយមជាលក្ខណៈអន្តរជាតិ ដើម្បីផ្តល់ជូននូវអត្ថប្រយោជន៍ពិសេសក្នុងការទទួលទានអាហារដល់បណ្តាញសមាជិករបស់ពួកយើង។

ពួកយើងសូមថ្លែងអំណរគុណយ៉ាងជ្រាលជ្រៅដល់ ក្រុមការងារថ្នាក់ដឹកនាំនៃដៃគូទាំងពីរ ព្រមទាំងភ្ញៀវកិត្តិយសទាំងអស់ ដែលបានចូលរួម និងធ្វើឱ្យពិធីនេះប្រព្រឹត្តទៅដោយភាពរលូន និងមានអត្ថន័យ។​ យើងទន្ទឹងរង់ចាំកិច្ចសហការដ៏រីកចម្រើន និងប្រកបដោយផ្លែផ្កាជាមួយដៃគូរបស់យើងនាពេលខាងមុខ!

យើងមានសេចក្តីរីករាយក្នុងការចែករំលែកដំណឹងអំពីភាពជាដៃគូររវាង កម្ពុជាផ្ទះទីពីររបស់ខ្ញុំ និង TH F&B តាមរយៈពិធីចុះហត្ថលេខាលើអនុស្សរណៈយោគយល់ ដែលបានប្រព្រឹត្តទៅដោយជោគជ័យ។

ចាប់ពីរសជាតិ សាច់អាំងជប៉ុនលំដាប់ពិសេស រហូតដល់ម៉ាកអាហារសម្រន់ដ៏ពេញនិយម។ ភាពជាដៃគូថ្មីនេះនឹងនាំមកនូវ អត្ថប្រយោជន៍ និងបទពិសោធន៍ទទួលទានអាហារដ៏ពិសេសកាន់តែច្រើនសម្រាប់សមាជិក CM2H តាមរយៈម៉ាកល្បីៗរបស់ TH F&B រួមមាន Cold Stone Creamery, Texas Chicken, Carl’s Jr., Gyu-Kaku និង Ichiban Buffet

យើងសូមថ្លែងអំណរគុណចំពោះក្រុមថ្នាក់ដឹកនាំរបស់ TH F&B និងភ្ញៀវកិត្តិយសទាំងអស់ ដែលបានចូលរួមជាមួយយើងក្នុងឱកាសដ៏ពិសេសនេះ។ យើងទន្ទឹងរង់ចាំដំណើរកិច្ចសហការដ៏រីកចម្រើន និងប្រកបដោយផ្លែផ្កាជាមួយ TH F&B នាពេលខាងមុខ។

យើងមានសេចក្តីរីករាយក្នុងការប្រកាសពីភាពជាដៃគូថ្មីរវាង កម្ពុជាផ្ទះទីពីររបស់ខ្ញុំ និង Pov Bopheak Land & Home តាមរយៈការចុះហត្ថលេខាលើអនុស្សរណៈយោគយល់ ជាផ្លូវការ។

ភាពជាដៃគូនេះ គឺជាជំហានដ៏មានសារៈសំខាន់មួយសម្រាប់ការពង្រីកវិសាលភាព និងនាំយកឱកាសនៃការរស់នៅ និងការវិនិយោគនៅប្រទេសកម្ពុជាទៅកាន់អតិថិជនកាន់តែទូលំទូលាយ។តាមរយៈកិច្ចសហការនេះ Pov Bopheak Land & Home នឹងផ្សព្វផ្សាយ និងផ្តល់ព័ត៌មានអំពីកម្មវិធី CM2H ជូនអតិថិជនរបស់ខ្លួន ដោយរួមបញ្ចូលជំនាញផ្នែកអចលនទ្រព្យ ជាមួយនឹងអត្ថប្រយោជន៍នៃការរស់នៅប្រកបដោយគុណភាព និង Golden Visa របស់ CM2H។

យើងសូមថ្លែងអំណរគុណយ៉ាងជ្រាលជ្រៅចំពោះក្រុមថ្នាក់ដឹកនាំរបស់ Pov Bopheak Land & Home  សម្រាប់ការជឿទុកចិត្ត និងការប្តេជ្ញាចិត្តក្នុងការបង្កើតកិច្ចសហការដ៏មានអត្ថន័យនេះ ព្រមទាំងអរគុណដល់អ្នកចូលរួមទាំងអស់ ដែលបានចូលរួមអបអរសាទរជាមួយយើង។

យើងខ្ញុំមានសេចក្តីសោមនស្សរីករាយយ៉ាងក្រៃលែង ក្នុងការប្រកាសពីពិធីចុះហត្ថលេខាជាផ្លូវការលើអនុស្សរណៈនៃការយោគយល់ (MoU) រវាងកម្ពុជាផ្ទះទីពីររបស់ខ្ញុំ (CM2H) ជាមួយនឹងគម្រោងលំនៅឋានសេវាកម្មលំដាប់ថ្នាក់អន្តរជាតិ Citadines Flatiron Phnom Penh និង Somerset Norodom Phnom Penh!

កិច្ចសហប្រតិបត្តិការជាយុទ្ធសាស្ត្រនេះ គឺជាជំហានដ៏សំខាន់មួយទៀតរបស់ CM2H ក្នុងការនាំមកនូវតម្លៃបន្ថែម សិទ្ធិអនុគ្រោះផ្តាច់មុខ និងបទពិសោធន៍បដិសណ្ឋារកិច្ចលំដាប់ពិភពលោក ជូនដល់សមាជិក CM2H និងអ្នកកាន់ Golden Visa របស់យើង នៅកណ្តាលរាជធានីភ្នំពេញ។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំ និងក្រុមការងារទាំងពីរភាគី ដែលបានរួមចំណែកធ្វើឱ្យចក្ខុវិស័យ និងកិច្ចសហប្រតិបត្តិការនេះក្លាយជាការពិត។ជាពិសេស សូមអរគុណចំពោះអំណោយស្វាគមន៍ដ៏គួរឱ្យស្រឡាញ់ ដែលមិនត្រឹមតែបានបន្ថែមភាពកក់ក្តៅដល់ឱកាសពិសេសនេះប៉ុណ្ណោះទេ ប៉ុន្តែក៏ជានិមិត្តរូបនៃមិត្តភាព និងកិច្ចសហការដ៏រឹងមាំរវាងយើងផងដែរ។

ថ្ងៃដ៏សប្បាយរីករាយ! លេងកីឡា បង្កើតទំនាក់ទំនង និងស្វែងរកមិត្តថ្មីៗ!

ពោរពេញដោយស្នាមញញឹម សំណើច ការប្រកួតដ៏ស្វិតស្វាញ និងមិត្តភាពថ្មីៗ កម្មវិធី Badminton & Pickleball Fun Day របស់យើងបានបញ្ចប់ទៅប្រកបដោយភាពជោគជ័យ និងអនុស្សាវរីយ៍ដ៏ល្អជាច្រើន។

សមាជិក CM2H និងមិត្តភក្តិជាច្រើនមកពីជុំវិញពិភពលោក រួមមានកម្ពុជា បារាំង ហូឡង់ វៀតណាម មីយ៉ាន់ម៉ា ម៉ាឡេស៊ី ហុងកុង ហ្វីលីពីន និងបណ្តាប្រទេសផ្សេងៗទៀត បានមកជួបជុំគ្នាក្នុងដោយពោរពេញទៅដោយថាមពល ភាពសប្បាយរីករាយ និងស្មារតីមិត្តភាពតាមរយៈកីឡា។

ជាតិសាសន៍ផ្សេងគ្នា

កម្រិតជំនាញខុសៗគ្នា

តែជាសហគមន៍តែមួយ

ពួកយើងពិតជារីករាយណាស់ដែលបានឃើញអ្នកគ្រប់គ្នាចូលរួមលេងកីឡាយ៉ាងសប្បាយរីករាយ លើកទឹកចិត្តគ្នាទៅវិញទៅមក ស្គាល់មិត្តថ្មីៗ និងចំណាយពេលវេលាដ៏មានន័យជាមួយគ្នា។នេះហើយគឺជាអ្វីដែលសហគមន៍ CM2H ចង់បង្កើត — ការនាំមនុស្សមកពីគ្រប់មជ្ឈដ្ឋាន និងគ្រប់ជាតិសាសន៍មកជួបជុំគ្នា ដើម្បីកសាងទំនាក់ទំនង និងមិត្តភាពដ៏មានអត្ថន័យនៅក្នុងប្រទេសកម្ពុជា។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះ The Top Sport Center 271 សម្រាប់កិច្ចសហការដ៏ល្អប្រសើរ និងការគាំទ្រយ៉ាងពេញទំហឹង ដែលបានធ្វើឱ្យកម្មវិធីនេះអាចប្រព្រឹត្តទៅបានយ៉ាងជោគជ័យ។

ជាពិសេស សូមអរគុណដល់អ្នកទាំងអស់គ្នាដែលបានចូលរួម និងនាំមកនូវថាមពលដ៏អស្ចារ្យសម្រាប់កម្មវិធីក្នុងថ្ងៃនេះ។

កម្មវិធីសហគមន៍ដ៏រំភើបជាច្រើនទៀតកំពុងរង់ចាំអ្នកនៅពេលខាងមុខ ហើយយើងទន្ទឹងរង់ចាំជួបអ្នកទាំងអស់គ្នាម្តងទៀត!

កម្ពុជាផ្ទះទីពីររបស់ខ្ញុំ (CM2H) មានកិត្តិយសក្នុងការគាំទ្រ ពិធីអបអរសាទរទិវាយុវជនអន្តរជាតិ និង ពិធីប្រកួតជជែកដេញដោលយុវជនថ្នាក់ជាតិ វគ្គផ្តាច់ព្រ័ត្រ។

តាមរយៈការចូលរួមនេះ CM2H មានមោទកភាពដែលបានចូលរួមចំណែកក្នុងការលើកកម្ពស់សមត្ថភាពយុវជន ជំរុញការអភិវឌ្ឍភាពជាអ្នកដឹកនាំ និងបង្កើតវេទិកាដែលផ្តល់ឱកាសឱ្យយុវជនបញ្ចេញសំឡេង និងចែករំលែកគំនិតរបស់ពួកគេ។ 

CM2H ប្តេជ្ញាបន្តគាំទ្រ និងលើកកម្ពស់យុវជនជំនាន់ក្រោយ ដើម្បីរួមគ្នាកសាងអនាគតដ៏ភ្លឺស្វាង និងប្រកបដោយឱកាសសម្រាប់កម្ពុជា

កម្ពុជាផ្ទះទីពីររបស់ខ្ញុំ (CM2H) មានកិត្តិយស និងមោទនភាពយ៉ាងក្រៃលែង ដែលបានចូលរួមសហការរៀបចំកម្មវិធីដ៏មានសារៈសំខាន់នេះ រយៈពេលពីរថ្ងៃ ជាមួយក្រសួងអប់រំ យុវជន និងកីឡា។

ក្នុងរយៈពេលពីរថ្ងៃកន្លងមកនេះ យើងបានឃើញពីថាមពលដ៏អស្ចារ្យ កិច្ចពិភាក្សាប្រកបដោយអត្ថន័យ និងគំនិតច្នៃប្រឌិតជាច្រើនពីថ្នាក់ដឹកនាំយុវជន និងវាគ្មិនកិត្តិយសរបស់យើង។ កម្មវិធីបានលើកយកប្រធានបទសំខាន់ៗជាច្រើនមកពិភាក្សា ចាប់ពីវិស័យថាមពលបៃតង រហូតដល់តួនាទីរបស់អ្នកបង្កើតមាតិកា ក្នុងនាមជាអ្នកនាំមកនូវការផ្លាស់ប្តូរនៅក្នុងសង្គម។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះក្រសួងអប់រំ យុវជន និងកីឡា គណៈកម្មការរៀបចំ វាគ្មិនកិត្តិយស និងថ្នាក់ដឹកនាំយុវជនទាំងអស់ ដែលបានចូលរួម និងរួមចំណែកធ្វើឱ្យវេទិកានេះទទួលបានជោគជ័យយ៉ាងត្រចះត្រចង់។

រួមគ្នា យើងកំពុងកសាងអនាគតកម្ពុជាដែលកាន់តែភ្លឺស្វាង រឹងមាំ និងរីកចម្រើនប្រកបដោយវិបុលភាព។

កម្ពុជាផ្ទះទីពីររបស់ខ្ញុំ(CM2H) មានសេចក្តីសោមនស្សរីករាយយ៉ាងក្រៃលែង ក្នុងការដាក់បង្ហាញវីដេអូពាណិជ្ជកម្មកិច្ចសហការពិសេស ជាមួយ Hyatt Regency Phnom Penh ដែលបង្ហាញពីការរួមបញ្ចូលគ្នាយ៉ាងល្អឥតខ្ចោះរវាងប្រណីតភាព និងរបៀបរស់នៅបែបស៊ីវិល័យ។

ស្រមៃថា ចាប់ពីពេលដែលអ្នកមកដល់ប្រទេសកម្ពុជា រាល់ដំណើរការនៃការចាប់ផ្តើមរបស់អ្នក ត្រូវបានសម្របសម្រួលយ៉ាងរលូនដោយសេវាកម្មលំដាប់អន្តរជាតិរបស់ Cambodia My Second Home (CM2H)។ បន្ទាប់មក អ្នកអាចសម្រាក និងរីករាយជាមួយសេវាកម្ម និងបរិក្ខារលំដាប់ពិភពលោក ព្រមទាំងទទួលបានបទពិសោធន៍បដិសណ្ឋារកិច្ចដ៏ប្រណីត នៅ Hyatt Regency Phnom Penh ដែលស្ថិតនៅក្នុងកណ្តាលរាជធានីភ្នំពញ។

ពីដំណោះស្រាយសម្រាប់អាជីវកម្ម ការគាំទ្រផ្នែកទិដ្ឋាការ និងសេវាកម្មពាក់ព័ន្ធ រហូតដល់ការស្នាក់នៅប្រកបដោយផាសុកភាពលំដាប់ផ្កាយប្រាំ កិច្ចសហការរវាង CM2H និង Hyatt Regency Phnom Penh នាំមកនូវបទពិសោធន៍ដ៏ពិសេស និងបង្ហាញពីភាពល្អបំផុតនៅក្នុង​ប្រទេសកម្ពុជា។

ដើម្បីទស្សនាវីដេអូពាណិជ្ជកម្មពេញ សូមចូលទៅកាន់គេហទំព័ររបស់យើង៖

https://www.youtube.com/watch?v=8Are3DqpBFU

ក្រុមហ៊ុន កម្ពុជាផ្ទះទីពីររបស់ខ្ញុំ (CM2H) មានសេចក្តីសោមនស្សរីករាយក្នុងការប្រកាសថា យើងបានចុះហត្ថលេខាជាផ្លូវការលើ អនុស្សរណៈយោគយល់ ជាមួយ Baitong Hotel & Resort។

កិច្ចសហការនេះ គឺជាជំហានដ៏សំខាន់មួយក្នុងការពង្រឹងបេសកកម្មរបស់ CM2H ក្នុងការផ្តល់ជូនសមាជិកនូវបទពិសោធន៍រស់នៅ ការស្នាក់នៅប្រកបដោយផាសុកភាព និងសេវាបដិសណ្ឋារកិច្ចលំដាប់ខ្ពស់។ ស្ថិតនៅក្នុងបេះដូងនៃតំបន់ បឺងកេងកងទី១ រាជធានីភ្នំពេញ Baitong Hotel & Resort គឺជាសណ្ឋាគារដែលទទួលបានការទទួលស្គាល់យ៉ាងទូលំទូលាយ ដោយមានភាពលេចធ្លោជាមួយអាងហែលទឹក Forest Pool ដ៏ល្បីល្បាញ ដោយមានការរចនាបែបទំនើបបង្កប់ដោយធម្មជាតិ និងបរិយាកាសស្ងប់ស្ងាត់ប្រកបដោយផាសុកភាព។

តាមរយៈកិច្ចសហការជាយុទ្ធសាស្ត្រមួយនេះ យើងមានសេចក្តីសោមនស្សរីករាយក្នុងការបង្កើតអត្ថប្រយោជន៍ផ្តាច់មុខ ជម្រើសកន្លែងស្នាក់នៅដែលបានរៀបចំយ៉ាងយកចិត្តទុកដាក់ និងបទពិសោធន៍ដ៏ពិសេស សម្រាប់សហគមន៍ដែលកំពុងរីកចម្រើន ដើម្បីទទួលបានការចាប់ផ្តើមបទពិសោធន៍ថ្មីនៅក្នុងប្រទេសកម្ពុជាប្រព្រឹត្តទៅដោយភាពងាយស្រួល។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះក្រុមការងារ Baitong Hotel & Resort សម្រាប់ការជឿទុកចិត្ត និងកិច្ចសហការដ៏មានតម្លៃមួយនេះ។ សូមរង់ចាំតាមដានព័ត៌មានថ្មីៗ និងអត្ថប្រយោជន៍ផ្តាច់មុខជាច្រើន ដែលនឹងត្រូវដាក់ឱ្យប្រើប្រាស់តាមរយៈភាពជាដៃគូនេះនាពេលឆាប់ៗខាងមុខ។

យើងខ្ញុំមានសេចក្តីសោមនស្សរីករាយយ៉ាងក្រៃលែងក្នុងការជម្រាបជូនថា ក្រុមហ៊ុន កម្ពុជាផ្ទះទីពីររបស់ខ្ញុំ បានចុះហត្ថលេខាលើអនុស្សរណៈនៃការយោគយល់ ជាផ្លូវការជាមួយក្រុមហ៊ុន Thalias Hospitality កាលពីថ្ងៃទី ២៥ ខែមិថុនា ឆ្នាំ ២០២៦ កន្លងទៅនេះ។

ក្នុងខណៈពេលដែលប្រទេសកម្ពុជាកំពុងពង្រឹងទីតាំងរបស់ខ្លួនជាមជ្ឈមណ្ឌលពាណិជ្ជកម្ម និងការវិនិយោគអន្តរជាតិដ៏ឈានមុខ CM2H នៅតែបន្តប្តេជ្ញាចិត្តក្នុងការលើកកម្ពស់បទពិសោធរស់នៅ និងបង្កើតប្រព័ន្ធអេកូឡូស៊ីដ៏សមស្របបំផុតជូនដល់សមាជិករបស់យើងទាំងអស់។ តាមរយៈកិច្ចសហប្រតិបត្តិការនេះ យើងនឹងរួមគ្នាជំរុញសកម្មភាពទីផ្សារ និងប្រព័ន្ធផ្សព្វផ្សាយ​ ដែលបង្កើតឡើងដើម្បីស្វាគមន៍យ៉ាងកក់ក្តៅចំពោះវិនិយោគិន សហគ្រិន និងភ្ញៀវអន្តរជាតិ ដែលបានជ្រើសរើសព្រះរាជាណាចក្រកម្ពុជាជាគោលដៅរស់នៅ និងការវិនិយោគ។

កិច្ចសហការនេះគឺជាស្ពានតភ្ជាប់កម្មវិធីស្នាក់នៅរបស់ CM2H​ ជាផ្លូវការ ជាមួយក្រុមហ៊ុនបដិសណ្ឋារកិច្ចឈានមុខគេនៅក្នុងកម្ពុជា ដើម្បីផ្តល់ជូនអ្នកវិនិយោគអន្តរជាតិនូវបទពិសោធម្ហូបអាហារ និងសេវាកម្មបដិសណ្ឋារកិច្ចដ៏ល្អបំផុត ចាប់តាំងពីថ្ងៃដំបូងដែលពួកគាត់បានមកដល់។

យើងខ្ញុំរំពឹងយ៉ាងមុតមាំថា កិច្ចសហប្រតិបត្តិការនេះនឹងទទួលបានផ្លែផ្កាជាវិជ្ជមាន និងផ្តល់ជូនបន្ថែមនូវប្រណីតភាពជូនដល់សហគមន៍ដែលកំពុងរីកចម្រើនរបស់យើង។

កម្ពុជាផ្ទះទីពីររបស់ខ្ញុំ Cambodia My Second Home (CM2H) មានសេចក្តីសោមនស្សរីករាយក្នុងការប្រកាសពីការចុះហត្ថលេខាលើអនុស្សរណៈយោគយល់គ្នា (MoU) ជាផ្លូវការជាមួយ Asian Business Group (ABG) ដែលជាជំហានដ៏សំខាន់មួយក្នុងការពង្រឹងកិច្ចសហប្រតិបត្តិការរវាងស្ថាប័នទាំងពីរ។

ភាពជាដៃគូយុទ្ធសាស្ត្រនេះមានគោលបំណងបង្កើតបណ្តាញគាំទ្រដ៏រឹងមាំសម្រាប់វិនិយោគិន សហគ្រិន និងអ្នកស្នាក់នៅរយៈពេលវែងមកពីជុំវិញពិភពលោក ដែលមានបំណងរស់នៅ និងវិនិយោគនៅក្នុងប្រទេសកម្ពុជា។

តាមរយៈការភ្ជាប់កម្មវិធីទិដ្ឋាការមាស (Golden Visa) រយៈពេល ១០ ឆ្នាំរបស់ CM2H ជាមួយបណ្តាញអាជីវកម្មដ៏ទូលំទូលាយរបស់ ABG យើងកំពុងបង្កើតប្រព័ន្ធគាំទ្រដែលអាចជួយដល់អ្នករស់នៅអន្តរជាតិឱ្យទទួលបានសេវាកម្មដែលអាចទុកចិត្តបាន ដំណោះស្រាយហិរញ្ញវត្ថុប្រកបដោយប្រសិទ្ធភាព និងឱកាសវិនិយោគគុណភាពខ្ពស់នៅក្នុងប្រទេសកម្ពុជា។

កម្ពុជាផ្ទះទីពីររបស់ខ្ញុំ សូមថ្លែងអំណរគុណយ៉ាងជ្រាលជ្រៅដល់ក្រុមការងារ Asian Business Group ក៏ដូចជាភ្ញៀវកិត្តិយសទាំងអស់ដែលបានចូលរួមក្នុងព្រឹត្តិការណ៍ដ៏មានសារៈសំខាន់នេះ។ តាមរយៈកិច្ចសហការនេះ យើងបន្តបេសកកម្មក្នុងការពង្រឹងទំនាក់ទំនងរវាងកម្ពុជា និងសហគមន៍អន្តរជាតិ ព្រមទាំងបង្កើតឱកាសថ្មីៗសម្រាប់ការរីកចម្រើន និងការវិនិយោគនាពេលអនាគត។

បន្ទាប់ពីពិធីបើកជាផ្លូវការនៃវគ្គទី៣ ក្រោមអធិបតីភាព ឯកឧត្តម សេរី ជំនះ 

រដ្ឋលេខាធិការក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ ឯកឧត្តមបណ្ឌិត ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា ដែលបានប្រព្រឹត្តទៅនៅមជ្ឈមណ្ឌលម៉ានី ក្រុមការងារផ្នែកផ្សព្វផ្សាយរបស់ Cambodia My 2nd Home (CM2H) បានចាប់ផ្តើមបេសកកម្មពិសេសមួយ ដើម្បីជួបសម្ភាស និងផ្សព្វផ្សាយអំពីសមិទ្ធផលរបស់យុវជនឆ្នើមទូទាំងប្រទេស។

ក្នុងបេសកកម្មនេះ CM2H បានធ្វើដំណើរទៅជួបក្រុមជ័យលាភីចុងក្រោយទាំង ៤ នៃកម្មវិធីជជែកដេញដោលយុវជនថ្នាក់ជាតិ ឆ្នាំ២០២៦ ដើម្បីស្វែងយល់ពីបទពិសោធន៍ ការត្រៀមខ្លួន និងជោគជ័យរបស់ពួកគេ៖

• ថ្ងៃទី៥ ខែមិថុនា – ខេត្តសៀមរាប៖ ជួបសម្ភាសក្រុមជ័យលាភីឆ្នើមមកពីវិទ្យាល័យដំដែក។

• ថ្ងៃទី៧ ខែមិថុនា – ខេត្តព្រះសីហនុ៖ ជួបសម្ភាសក្រុមសិស្សឆ្នើមមកពីវិទ្យាល័យ ហ៊ុន សែន វាលរេញ។

• ថ្ងៃទី៨ ខែមិថុនា – រាជធានីភ្នំពេញ៖ ជួបសម្ភាសសិស្សឆ្នើមនៃវិទ្យាល័យព្រះយុគន្ធរ (សាលាជំនាន់ថ្មី)។

• ថ្ងៃទី១១ ខែមិថុនា – រាជធានីភ្នំពេញ៖ ជួបសម្ភាសសិស្សឆ្នើមមកពីសាលាប៊ែលធីអន្តរជាតិ។

តាមរយៈបទសម្ភាសវីដេអូទាំងនេះ CM2H មានមោទនភាពក្នុងការចូលរួមគាំទ្របេសកកម្មដ៏សំខាន់របស់ក្រសួងអប់រំ យុវជន និងកីឡា ក្នុងការលើកកម្ពស់សមត្ថភាពយុវជនកម្ពុជាលើផ្នែកការគិតវិភាគ ការនិយាយជាសាធារណៈ និងជំនាញជជែកដេញដោល ដែលជាមូលដ្ឋានដ៏សំខាន់សម្រាប់ការអភិវឌ្ឍធនធានមនុស្ស និងការអភិវឌ្ឍជាតិប្រកបដោយចីរភាព។

CM2H សូមថ្លែងអំណរគុណយ៉ាងជ្រាលជ្រៅដល់ថ្នាក់ដឹកនាំក្រសួងអប់រំ យុវជន និងកីឡា ព្រមទាំងគណៈគ្រប់គ្រងសាលា លោកគ្រូ អ្នកគ្រូ និងសិស្សានុសិស្សនៃស្ថាប័នអប់រំទាំងអស់ ដែលបានផ្តល់កិច្ចសហការយ៉ាងល្អប្រសើរ និងរួមចំណែកធ្វើឱ្យបេសកកម្មនេះទទួលបានជោគជ័យ។

CM2H នឹងបន្តគាំទ្រ និងផ្សព្វផ្សាយសកម្មភាពដែលជួយលើកកម្ពស់សក្តានុពលយុវជនកម្ពុជា ដើម្បីចូលរួមចំណែកនៃការកសាងប្រទេសជាតិ។

ក្រុមហ៊ុន កម្ពុជាផ្ទះទីពីររបស់ខ្ញុំ Cambodia My 2nd Home (CM2H)

មានសេចក្តីសោមនស្សរីករាយក្នុងការចូលរួមកម្មវិធី Cambodia Travel Match 2026 ដែលជាព្រឹត្តិការណ៍ដ៏សំខាន់មួយសម្រាប់វិស័យទេសចរណ៍ និងការវិនិយោគនៅកម្ពុជា។

ព្រឹត្តិការណ៍នេះបានប្រមូលផ្តុំស្ថាប័ន អាជីវកម្ម ភ្នាក់ងារទេសចរណ៍ និងអ្នកពាក់ព័ន្ធសំខាន់ៗមកពីក្នុង និងក្រៅតំបន់ ដើម្បីផ្លាស់ប្តូរទស្សនៈ និងពិភាក្សាអំពីអនាគតនៃវិស័យទេសចរណ៍ ការស្នាក់នៅរយៈពេលវែង និងឱកាសថ្មីៗនៅក្នុងព្រះរាជាណាចក្រកម្ពុជា។ ក្នុងឱកាសនេះ ក្រុមការងារ CM2H ក៏បានធ្វើបទបង្ហាញលើវេទិកាសំខាន់របស់កម្មវិធី ដោយណែនាំអំពីកម្មវិធី CM2Hនិងអត្ថប្រយោជន៍ជាច្រើនដែលផ្តល់ជូនដល់ជនបរទេសដែលមានបំណងយកកម្ពុជាជាលំនៅឋានទីពីរ។ កម្មវិធីនេះផ្តល់នូវឱកាសស្នាក់នៅរយៈពេលវែង ក៏ដូចជាការចូលរួមក្នុងការវិនិយោគ និងឱកាសអាជីវកម្មដ៏ទាក់ទាញនៅក្នុង “ព្រះរាជាណាចក្រអច្ឆរិយៈ”។

ការទទួលស្វាគមន៍ពីសំណាក់ដៃគូ និងអ្នកចូលរួមក្នុងកម្មវិធីមានភាពកក់ក្តៅ និងវិជ្ជមានយ៉ាងខ្លាំង ដែលបានបង្កើតឱកាសសម្រាប់កិច្ចសហការថ្មីៗ និងការពង្រឹងទំនាក់ទំនងជាមួយដៃគូសំខាន់ៗជាច្រើន។ CM2H សូមថ្លែងអំណរគុណដល់គណៈកម្មការរៀបចំព្រឹត្តិការណ៍ និងភ្ញៀវទាំងអស់ដែលបានអញ្ជើញមកជួបពិភាក្សា និងស្វែងយល់អំពីកម្មវិធីរបស់យើង។

យើងនៅតែបន្តប្តេជ្ញាចិត្តក្នុងការបើកទ្វារទទួលស្វាគមន៍ពិភពលោកមកកាន់កម្ពុជា និងជួយឱ្យកម្ពុជាក្លាយជាគោលដៅដ៏ល្អសម្រាប់ការរស់នៅ ការវិនិយោគនិងការបង្កើតអនាគតថ្មី។

កម្ពុជាផ្ទះទីពីររបស់ខ្ញុំ Cambodia My Second Home (CM2H)មានសេចក្តីសោមនស្សរីករាយក្នុងការប្រកាសថា CM2H និង SH3P GROUP បានចុះហត្ថលេខាលើអនុស្សរណៈយោគយល់គ្នា (MOU) ជាផ្លូវការហើយ។

កិច្ចព្រមព្រៀងនេះគឺជាជំហានដ៏សំខាន់មួយក្នុងការចាប់ផ្តើមភាពជាដៃគូយុទ្ធសាស្ត្ររវាងស្ថាប័នទាំងពីរ ក្នុងឱកាសនេះ ថ្នាក់ដឹកនាំ តំណាងដៃគូ និងភាគីពាក់ព័ន្ធបានជួបជុំគ្នាដើម្បីអបអរសាទរការចាប់ផ្តើមកិច្ចសហការថ្មី ដែលត្រូវបានរំពឹងថានឹងបង្កើតឱកាសថ្មីៗ និងជំរុញការអភិវឌ្ឍរួមនៅក្នុងវិស័យផ្សេងៗនៅកម្ពុជា។

តើកិច្ចសហការនេះមានន័យដូចម្តេចសម្រាប់សមាជិក CM2H?

តាមរយៈភាពជាដៃគូសហការនេះ CM2H និង SH3P GROUPនឹងរួមគ្នាបង្កើតតម្លៃបន្ថែម  និងអត្ថប្រយោជន៍រយៈពេលវែងសម្រាប់ប្រព័ន្ធអេកូឡូសុីរបស់យើង។ ក្នុងពេលខាងមុខ សមាជិក CM2H នឹងទទួលបានឱកាសក្នុងការចូលប្រើសិទ្ធិពិសេស  អត្ថប្រយោជន៍ផ្តាច់មុខ និងបទពិសោធន៍ដែលត្រូវបានរៀបចំឡើងជាពិសេស តាមរយៈបណ្តាញម៉ាកល្បីៗអន្តរជាតិដែលស្ថិតក្រោម SH3P GROUP។

កម្ពុជាផ្ទះទីពីររបស់ខ្ញុំ សូមថ្លែងអំណរគុណដល់សមាជិក និងដៃគូសហការទាំងអស់ដែលតែងតែគាំទ្រ និងជាផ្នែកមួយនៃគ្រួសារ កម្ពុជាផ្ទះទីពីររបស់ខ្ញុំ។ យើងទន្ទឹងរង់ចាំក្នុងការនាំយកអត្ថប្រយោជន៍

នៅរសៀលថ្ងៃនេះ ក្រុមការងារ កម្ពុជាផ្ទះទីពីររបស់ខ្ញុំ(CM2H) បានជួបពិភាក្សាជាមួយក្រុមការងារ Asian Business Group (ABG) និង Eurasia Trust ដើម្បីពិភាក្សាអំពីកិច្ចសហប្រតិបត្តិការយុទ្ធសាស្ត្រ និងឱកាសវិនិយោគនាពេលអនាគតនៅកម្ពុជា។

កិច្ចប្រជុំនេះបានប្រព្រឹត្តទៅយ៉ាងរលូន និងផ្តល់ឱកាសដ៏ល្អសម្រាប់ការផ្លាស់ប្តូរយោបល់ ការស្វែងរកចំណុចរួម និងការយល់ដឹងកាន់តែជ្រៅអំពីចក្ខុវិស័យ គោលបំណង និងផែនការអភិវឌ្ឍន៍រយៈពេលវែង។

ក្នុងអំឡុងពេលពិភាក្សា ភាគីទាំងអស់បានចែករំលែកយោបល់ដ៏មានតម្លៃទាក់ទងនឹងឱកាសវិនិយោគ ការពង្រីកអាជីវកម្ម កិច្ចសហប្រតិបត្តិការអន្តរជាតិ និងសារៈសំខាន់កាន់តែខ្ពស់របស់កម្ពុជា ក្នុងនាមជាគោលដៅសម្រាប់សហគ្រិន វិនិយោគិន និងអ្នកដឹកនាំអាជីវកម្មសកល។

យើងសូមថ្លែងអំណរគុណចំពោះការផ្លាស់ប្តូរយោបល់ដ៏មានតម្លៃ និងប្រកបដោយគុណភាពរបស់គ្រប់ភាគីក្នុងកិច្ចប្រជុំនេះ។ យើងបានទន្ទឹងរង់ចាំការបន្តពិភាក្សា និងការប្រែក្លាយជាគំនិតមួយដ៏មានសក្ដានុពលទាំងនេះ​ឲ្យក្លាយទៅជាដៃគូសហការជាផ្លូវការដែលផ្តល់អត្ថប្រយោជន៍រួមនិងចូលរួមចំណែកភាពវិជ្ជមានដល់សេដ្ឋកិច្ចកម្ពុជា។

ក្រុមហ៊ុន​​ កម្ពុជាផ្ទះទីពីររបស់ខ្ញុំ មានសេចក្តីសោមនស្សរីករាយយ៉ាងក្រៃលែង ក្នុងការឧបត្ថម្ភដល់កម្មវិធី យុវជន២១​ ប្រចាំឆ្នាំ២០២៦

ចាប់ពីថ្ងៃទី១៩ ដល់ថ្ងៃទី២០ ខែឧសភា ឆ្នាំ២០២៦ បរិយាកាសនៃពិធីបើកវគ្គជម្រុះជ្រើសរើសកំពូលនិស្សិតឆ្នើមទាំង ១០​ក្រុម នៅវិទ្យាស្ថានបច្ចេកវិទ្យាកម្ពុជា បានប្រព្រឹត្តទៅយ៉ាងគគ្រឹកគគ្រេង ព្រមទាំងបានស្តែងឱ្យឃើញពីនវានុវត្តន៍ និងថាមពលដ៏មហិមារបស់យុវជនស្រាវជ្រាវ។ ក្រោមប្រធានបទដ៏មានអត្ថន័យស្របតាមសម័យកាលគឺ «សហគ្រិនភាពបច្ចេកវិទ្យាយុវជន៖ គំនិតយុវជន ការផ្លាស់ប្តូរពិតប្រាកដ» កម្មវិធីនេះបានទាក់ទាញសិស្សានិស្សិត និងបេក្ខជនឆ្នើមៗប្រមាណ ជាង ៥០០នាក់ មកជួបជុំគ្នាដើម្បីធ្វើបទបង្ហាញនូវគំនិតច្នៃប្រឌិតថ្មីៗ ព្រមទាំងចូលរួមពង្រឹងនិងពង្រីកជំនាញសម្រាប់សតវត្សរ៍ទី២១។

កម្មវិធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម សេរី ជំនះ រដ្ឋលេខាធិការក្រសួងអប់រំ យុវជន និងកីឡា ដោយឯកឧត្តមបានផ្តល់អនុសាសន៍ និងក្រើនរំលឹកដល់អង្គពិធីទាំងមូលថា៖ «ជោគជ័យរបស់យុវជន គឺកើតចេញពីការលះបង់ និងការតស៊ូព្យាយាមរបស់ខ្លួនឯង ហើយជោគជ័យនេះមិនអាចវាស់វែងបានត្រឹមតែលទ្ធផលនៃការប្រកួតនោះឡើយ»។

ពួកយើងជឿជាក់យ៉ាងមុតមាំថា យុវជនមិនមែនត្រឹមតែជាអ្នកប្រើប្រាស់បច្ចេកវិទ្យាតែប៉ុណ្ណោះនោះទេ ប៉ុន្តែពួកគេគឺជាអ្នកបង្កើតថ្មី ដែលនឹងប្រើប្រាស់បច្ចេកវិទ្យាទាំងនោះដើម្បីដោះស្រាយបញ្ហាប្រឈមនានាក្នុងសង្គមជាក់ស្តែង។ គំនិតផ្តួចផ្តើមតូចៗនាពេលបច្ចុប្បន្ន នឹងក្លាយជាកម្លាំងចលករដ៏មានឥទ្ធិពល ក្នុងការជំរុញឱ្យមានការផ្លាស់ប្តូរជាវិជ្ជមានយ៉ាងធំធេងក្នុងសង្គមជាតិទៅថ្ងៃអនាគត។

សូមចូលរួមអបអរសាទរចំពោះបេក្ខជនទាំងអស់ ក៏ដូចជាក្រុមឆ្នើមទាំងអស់ដែលទទួលបានឱកាសឈានទៅវគ្គបន្ត! ក្រុមហ៊ុនយើងខ្ញុំមានកិត្តិយសយ៉ាងក្រៃលែងដែលបានរួមចំណែកគាំទ្រក្នុងដំណើរការវិវត្តន៍ពី គំនិតយុវជនទៅជាការផ្លាស់ប្តូរពិតប្រាកដរបស់ប្អូនៗទាំងអស់គ្នា។

យើងមានសេចក្តីសោមនស្សរីករាយក្នុងការប្រកាសជាផ្លូវការនៃការចុះហត្ថលេខាលើអនុស្សរណៈយោគយល់ (MOU) ជាមួយក្រុមហ៊ុន PassApp ដែលជាគ្រឹះស្ថានសេវាកម្មដឹកជញ្ជូនឈានមុខគេនៅក្នុងប្រទេសកម្ពុជា។

មិនថាអ្នកកំពុងស្វែងរកការពង្រីកនិងបែងចែកការវិនិយោគលើរបៀបរស់នៅបែបសុីវិល័យរបស់អ្នក ឬក៏អ្នកចង់ធានាថាទីតាំងសម្រាប់ការចូលនិវត្តន៍ដ៏ប្រណីតនៅក្នុងតំបន់ត្រូពិចដ៏ទាក់ទាញនោះទេ។ អ្នកក៏អាចឈានទៅកាន់ទំព័រថ្មីក្នុងជីវិតរបស់អ្នកកាន់តែងាយស្រួលជាងមុន

ចាប់តាំងពីពេលដែលអ្នកឈានជើងមកដល់ទីនេះ រាល់តម្រូវការនៃការរស់នៅបែបស៊ីវិល័យរបស់អ្នកនឹងត្រូវបានបញ្ចូលយ៉ាងរលូន

ហេតុអ្វីបានជាវិនិយោគិនដែលមានវិស័យទស្សនៈអន្តរជាតិ ជ្រើសរើស CM2H Golden Visa:

• សិទ្ធិរស់នៅ និងស្នាក់នៅជាផ្លូវការរយៈពេល ១០ ឆ្នាំ

  ទទួលបានការគាំទ្រយ៉ាងពេញលេញពីក្រសួងមហាផ្ទៃ

• ជាវិធីផ្លូវការតែមួយគត់ដែលទទួលបានលិខិតឆ្លងដែននៅក្នុងប្រទេសកម្ពុជា 

  ជាវិធីផ្លូវការតែមួយគត់សម្រាប់ការដាក់ពាក្យស្នើសុំសញ្ជាតិខ្មែរ

• បទពិសោធន៍ធ្វើដំណើរដោយរលូន និងមានភាពងាយស្រួល

  ទទួលបានបទពិសោធន៍ធ្វើដំណើរក្នុងស្រុកដ៏ល្អ និងភាពងាយស្រួល តាមរយៈគ្រឹះស្ថានដឹកជញ្ជូនឈានមុខគេរបស់ប្រទេសកម្ពុជា ដែលមានយានយន្តជាង ៥០,០០០ គ្រឿងនៅរាជធានីភ្នំពេញ

• សេវាកម្មគ្របដណ្តប់ទូទាំងប្រទេសដោយគ្មានដែនកំណត់

  PassApp អាចភ្ជាប់អ្នកបានភ្លាមៗទៅកាន់មជ្ឈមណ្ឌលសេដ្ឋកិច្ច 

  និងគោលដៅទេសចរណ៍សំខាន់ៗទូទាំងប្រទេសកម្ពុជា រួមមាន ខេត្តសៀមរាប ព្រះសីហនុ បាត់ដំបង កំពត ប៉ោយប៉ែត និងកំពង់ចាម

ចាប់យកឱកាស

និងបោះជំហ៊ានរបស់អ្នកទៅក្នុងគោលដៅដែលកំពុងរីកចម្រើននិងមានសក្តានុពលបំផុតមួយនៅអាស៊ី។